Пак запален автомобил на вработен во „Идризово“ – петти по ред

Повторно запален автомобил на вработен во затворот во „Идризово“, петти по ред за половина година. Синоќа бил запален автомобил на чувар во затворот пред неговиот дом во Ново Село.

-На 25 април во 01.56 часот во СВР Скопје, Љ.К. – вработен во Казнено-поправната установа Затвор Идризово, пријавил дека во неговиот двор во село Ново Село, скопско, било опожарено неговото патничко возило „мерцедес“ со скопски регистарски ознаки. Љ.К. сам го изгаснал пожарот, а повредени нема. Се преземаат мерки за расчистување на случајот, соопшти од МВР.

Еден автомобил изгоре во кругот на затворот, а останатите се запалени пред домовите каде што живеат вработените.