Падна воен хеликоптер во Австралија, се трага по четири члена на екипажот кои паднале во океанот

Се стравува дека четворица членови на екипажот се мртви откако воен хеликоптер на Австралиските одбранбени сили (ADF) се урна во океанот кај Квинсленд, изјави министерот за одбрана.

Инцидентот се случил за време на заедничката воена вежба меѓу австралиските и американските сили кај островот Линдеман во петокот вечерта. Министерот за одбрана Ричард Марлс на прес-конференција рече дека веднаш е започната мисија за пребарување и спасување.

„Четири членови на екипажот допрва треба да се најдат“, рече Марлс. Според него, хеликоптерот „MRH-90 Taipan“ се урнал околу 22:30 часот по локално време.