Осуммина ќе сведочат за набавката на „мерцедесот“ на Груевски

Во Кривичниот суд денеска треба да продолжи судењето за случајот на СЈО „Тенк“.

За „Тенк“ на денешното рочиште искази треба да дадат осум сведоци.

На претходното рочиште беа сослушани тројца сведоци и почна изведувањето на доказите.

Во случајот „Тенк“, за набавката на луксузниот „мерцедес“ вреден 600 илјади евра обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски.