Израелската војска соопшти дека добила информација од Црвениот крст дека Хамас ослободил 14 израелски заложници и тројца странски заложници.
Ова е трета група заложници кои Хамас ги ослободи како дел од четиридневниот договор за прекин на огнот.
„Врз основа на информациите добиени од Црвениот крст, 14 израелски заложници и тројца странски заложници се префрлени во Црвениот крст“, соопшти израелската армија.
Based on information that was received from the Red Cross, 14 Israeli hostages and three foreign national hostages have been transferred to the Red Cross.
— Israel Defense Forces (@IDF) November 26, 2023
Хамас ослободи заложник од Газа кој има руско државјанство и го предаде на Меѓународниот Црвен крст, соопшти палестинското движење.
Во соопштението се наведува дека тоа е направено во знак на благодарност за позицијата на Москва.
Не се знае дали тоа е поврзано со договорот меѓу Израел и Хамас што беше склучен пред два дена.
Доцна во саботата навечер, Хамас ослободи 13 Израелци и четворица тајландски државјани. За возврат, Израел ослободи 39 Палестинци кои беа затворени во израелските затвори.