За прв пат од 1961 година, тепихот на Оскарите нема да биде црвен. Американските медиуми во средата го регистрираа моментот пред театарот Долби во Холивуд кога работниците кои работ на подготовките за годинешното доделување на Оскарите го простираат тепихот во боја на шампањ, додека водителот на 95-те Оскари, Џими Кимел, зборуваше за новинарите.
„Мислам дека одлуката наместо црвен тепих да има тепих во боја на шампањ покажува колку сме сигурни дека нема да се пролее крв“, се пошегува Кимел.
Одлуката за промена на бојата ја донеле креативните консултанти Лиза Лав, долгогодишна соработничка на Вог и Раул Авила, креативен директор на гламурозната Мет Гала во Њујорк. Годинава тепихот ќе биде делумно покриен за да се заштитат ѕвездите и камерите од временските неприлики, но и пристигнувањата да се претворат во вечерен настан.
Црвениот тепих на Оскарите датира од 1961 година, кога се одржа 33-тото доделување на Оскарите во Civic Auditorium во Санта Моника, но пошироката јавност не го виде црвениот тепих во полн сјај на телевизија сè до 1966 година, кога наградите на Оскар за прв пат беа емитувани во боја.
Годинешното доделување на Оскарите започнува во понеделник во 2 часот по европско време или во 20 часот по локално време во Лос Анџелес.