Орбан: Западните земји треба најсериозно да ја сфатат изјавата на Путин за примената на новата балистичка ракета

Западните земји треба најсериозно да ја разберат изјавата на рускиот претседател Владимир Путин, во која тој зборуваше за украинскиот конфликт и употребата на новата руска балистичка ракета „Орешкин“, изјави денеска за радио „Кошут“ унгарскиот премиер Виктор Орбан.

Унгарскиот премиер рече и дека јавната комуникација се одвива различно во различни земји, но дека „ако претседателот нешто каже во Русија, тоа не се празни зборови“.

Тој потсети дека Украина е сосед на Унгарија и дека „не е потребна голема фантазија за да се замисли колку брзи и неочекувани можат да бидат последиците од војна во соседна земја“.