Орбан: Унгарија се уште може да го запре процесот на пристапување на Украина во ЕУ

Унгарскиот премиер Виктор Орбан изјави дека Унгарија не стави вето на вчерашната одлука на Европскиот совет за отворање на пристапните преговори со Украина, туку дека стави вето на 50 милијарди евра финансиска помош за таа земја.

Орбан во интервју за унгарското државно радио рече дека се обидел да ги убеди другите лидери на ЕУ да не го ставаат на дневен ред прашањето за пристапните преговори на Украина, но дека било невозможно да ги убеди, пренесува агенцијата МТИ.

Според него, нивниот одлучувачки аргумент бил дека Унгарија нема да загуби ништо, имајќи предвид дека последниот збор за членството на Украина го имаат националните парламенти, вклучително и унгарскиот.