Орбан: Украина е светлосни години далеку од ЕУ

Украина е исклучително далеку од влез во Европската унија, изјави унгарскиот премиер Виктор Орбан на конгресот на неговата партија Фидес, пренесува Асошиетед прес.

– Наша задача ќе биде да го исправиме погрешното ветување дека ќе започнеме преговори со Украина, бидејќи Украина е светлосни години оддалечена од Европската унија – рече тој.

Орбан, исто така, нагласи дека спречувањето на Украина да пристапи во ЕУ ќе биде еден од главните приоритети на неговата влада во наредните месеци.

Политичарот претходно изјави дека Украина „во секој поглед“ не е подготвена да започне преговори за членство во ЕУ.

Тој додаде дека е невозможно да се започне дијалог за ова прашање.