Орбан: Ќе донесеме мигранти од Будимпешта во Брисел и ќе ги оставиме пред канцелариите на ЕУ

Премиерот на Унгарија, Виктор Орбан изјави дека доколку продолжи илегалната миграција во Европа, ќе донесат мигранти во Брисел и ќе ги остават пред канцелариите на ЕУ.

– Ќе донесеме мигранти од Будимпешта во Брисел и ќе ги оставиме пред канцелариите во Брисел. Ако ги сакаат, нека ги задржат – изјави Орбан во Италија.

„Не верувајте дека тоа е невозможно, ние сме жив пример“, додаде Орбан, потсетувајќи дека „во Унгарија бројот на мигранти е нула“.

Според него, унгарските власти не дозволуваат влез на илегални мигранти во земјата.

„Ние ќе ги браниме нашите граници. Оние кои сакаат да влезат мора да чекаат дозвола и тоа мора да го направат надвор од нашата граница“, изјави Орбан.