Опаѓа масовноста на протестите низ Србија

Неколку групи граѓани се собраа вечерва околу 20 часот пред Домот на националното собрание во Белград, но далеку помалку отколку во претходните вечери, пишуваат медиумите од соседството.

Помеѓу насобраните граѓание е и поранешниот член на „Двери“, Срѓан Ного, кој во медиумите е означен како водач на насилните демонстрации заради што е приведен и сослушуван во Обвинителството, пишува „Танјуг“.

Се добива впечаток дека вечерва повеќе десно ориентирани демонстранти, кои и скандираат, додека граѓанскиот дел од протестот повеќе се држи на страна и се однесува како набљудувач, пишува српски „Н1“.