Омикрон пристигна и во Струга

Во Струга е регистриран случај на заразено лице од новиот сој на коронавирусот – омикрон.

Станува збор за повозрасно лице, асимптоматски случај кој е во изолација.

Ова е втор официјално потврден случај на омикрон во Македонија, откако минатата недела беше откриен уште кај едно лице, кое допатува од Велика Британија.

Според надлежните, новозаразениот се тестирал заради патување и во текот на тој скрининг било откриено дека лицето е инфицирано со омикрон.

Според последните информации, тој не знаел од каде ја добил инфекцијата.

Според Министерството за здравство, за 24 часа во Македонија се направени 5.489 тестирања и регистрирани се 373 нови случаи на Ковид-19, a 12 лица починаа.