Олигарсите ги контролираат судиите и обвинителите, вели Лога

Министерот за правда Кренар Лога вечерва на ТВ21 изјави дека судиите се повеќе контролирани од олигарси отколку од политичари.

-Обвинителите и судиите се повеќе контролирани од олигархијата отколку од политиката – рече Лога.

Тој го спомна и претседателот на Судот во Куманово, кој, според него, не го положил тестот за интегритет, но повторно е избран за претседател на судот.

-Овој судија падна на тестот за интегритет и повторно му беше дозволено да биде претседател на Судот. Вчера имаше таков тест за кандидатите, а оние кои не го положија овој тест беа елиминирани – рече Лога.

Според него, овој претседател упатил и погрдни зборови кон Албанците.