Околу 300 средношколци се собрале на „договорена тепачка“ во Аеродром

Синоќа во трговскиот центар „Бисер“ во Аеродром се собрале околу 300 средношколци на „договорена тепачка“.

Поголем инцидент, за среќа спречила полицијата. Очевидците рекле дека средношколците биле собрани во и околу трговскиот центар, но полицијата брзо и ефикасно ги разбила групите.

По „собирот“ на децата, полициското присуство во ТЦ „Бисер“ било зголемено.

И минатиот месец на социјалните мрежи кружеше видео од сличен ваков настан во Дебар Маало кој предизвика бура реакции во јавноста.