Во тек се големи протести против рудниците за литиум во Србија.
Протестот поради најавата за отворање на рудникот за литиум на рударската компанија Рио Тинто во долината Јадра, за што силно се залага претседателот на Србија, Александар Вучиќ, почна денеска во 19 часот на Теразије во Белград во организација на еколошки здруженија од Србија.
Овие здруженија организираат протест на денот на истекот на рокот од 40 дена што и го одредиле на српската влада да го донесе Законот за трајна забрана за геолошки истражувања и експлоатација на литиум и бор во Србија.
Организаторите најавија дека на протестот ќе говорат претседателот на здружението „Не дамо Јадар“ Златко Кокановиќ, Љиљана Браловиќ од Здружението на еколошки организации на Србија (СЕОС), научниот советник на белградскиот институт за хемија Драгана Ѓорѓевиќ и актерката Светлана Бојковиќ. Не се знае како ќе продолжи протестот по говорот.
На протестите може да се забележат транспаренти со натписи „Србија нема да ја дадеме за јаловина“, „Врати го квинталот во Рио Тинто, Србија нема да ја дадеме на провизија“ и други.
Претседателот на Србија, Александар Вучиќ изјави дека Русија го предупредила раководството на земјата за претстојните масовни немири во таа република, организирани од претставници на западните земји.
Српскиот лидер ова им го кажа на новинарите како одговор на прашање за подготовките на Западот за акции на територијата на Србија со цел да се изврши државен удар, а сè пренесува руската државна новинска агенција ТАСС.
