Ограничување на бруто маржа до 10% – вчера се издадени 8 платни налози со над 1,2 милиони денари

Во согласност со Одлуката на Владата за посебни услови за трговијата на одделни стоки (Сл. Весник на РСМ бр. 196/24) – ограничување на бруто маржа до 10% – извршени се над 60 надзори на цела територија на Република Северна Македонија. Издадени се 8 прекршочни платни налози во висина од над 1.196.000 денари, а кај останатите субјекти постапките се во тек, соопштија претпладнево од Државниот пазарен инспекторат (ДПИ).

Оттаму информираат дека „денес се контролираат бурекџилниците, помалите маркети и останати трговци на мало. Излезени се 47 тимови на терен, односно 135 инспектори на ниво на цела Република Северна Македонија“.

„Толеранција нема да има и трговците имаат обврска да ја почитуваат Одлуката“ се вели во соопштението од ДПИ.