Од вкупно 35 пријавени, 32 гласале во Кичево позитивни на Ковид 19 и во самоизолација

Вкупно 32 од 35 лица кои се пријавиле за денешното гласање во Кичево го оствариле своето право на глас.

Во Општинската изборна комисија – Кичево, како што пренесува МИА, за гласање на парламентарните избори се пријавиле 35 болни од ковид-19 и лица во самоизолација, во општина Македонски Брод три лица, додека во општина Пласница немало пријавени за денешното гласање.

Од пријавените 35, во Кичево гласале 32 избирачи. Двајца одбиле да гласаат, а едно лице во меѓувреме заминало во болница.

Во Македонски Брод, пак, гласачкото право го оствариле сите три лица кои се пријавиле за гласање.