Од утре треба да стартува наплатата на патарината „Смоквица”

Нема да има веќе бесплатно поминување на патарината кај Смоквица – Гевгелиско која е целосно изградена, обележана со потребната сигнализација, но и со инсталирана опрема за наплата во готово и со картички, објави 24ТВ.

Според последните информации кои телевизијата ги добила од ЈП „Државни патишта“ , од утре се очекува да отпочне со работа патарината „Смоквица“ каде ќе се наплаќа по 100 денари за патничко возило.

На патарината кај Смоквица ќе има 10 наплатни рампи, пет кон Гевгелија и соседна Грција и исто толку кон Скопје.