Од утре само со електронски рецепт лекови од аптеките за хронично болните

Фондот за здравство од утре воведува препишување и издавање лекови без хартија преку електронски рецепт  за хронична терапија за хроничо болни лица, истакна директорот на Фондот за здравство на денешната прес-конференција.

„Ова значи  дека матичниот лекар ќе креира електронски рецепт, а потоа пациентот ќе го подигне директно во аптека – значи нема потреба хронично  болните да одат кај матичен лекар за хартиен рецепт. Наместо да губат време за чекање и враќање и одење во аптека и на лекар, хроничната терапија ќе треба само телефонски да ја договорат со матичниот и со  документ за лична идентификација да ги подигнат од аптека – изјави Дончев.