Од полноќ повисоки цени на горивата

Дизелот и Екстра лесното масло за домаќинство од ноќеска на полноќ поскапуваат за два денара, Еуросупер БС-95 за 1,5 денар, а Еуросупер БС-98 за еден денар, соопшти Регулаторната комисија за енергетика (РКЕ).

Литар дизел од полноќ ќе чини 78 денари, Еуросупер БС-98 ќе се продава по 88,5 денари за литар, додека Еуросупер БС-95 ќе чини 86,5 денари. Екстра лесното масло за домаќинство ќе се продава по 77 денари за литар, а мазутот по 45,173 денари за килограм.