Студено наутро, преку ден сончево со мала до умерена облачност

Според прогнозата на УХМР, од денеска ќе преовладува стабилно време со пораст на дневните температури.

Утринските температури насекаде ќе бидат под нула, а наместа ќе се спуштат и под -10 степени. По котлините ќе има појава на магла и пониски дневни температури, соопшти Управата за хидрометеоролошки работи.

Во Скопје пак времето утрово е студено со појава на магла, а преку денот со ниска облачност која попладне ќе ослабне. Минималната температура ќе биде -3, а максималната 6 степени.

Од понеделник се очекува зголемување на облачноста.