Очевидци денеска ќе сведочат за автобуската несреќа кај Ласкарци

Со сослушување на сведоци, денеска во Кривичниот суд ќе продолжи судењето за автобуката кај Ласкарци во која загинаа 16 лица, а 37 беа потешко повредени.

На денешното рочиште треба да биде сослушана уште една повредена патничка, како и други пет сведоци, меѓу кои и очевидци на настанот.

Во случајот се обвинети сопственикот на „Дурмо турс“, Дурмиш Белули, одговорниот за транспорт во фирмата Ремзи Мифтари и возачот на автобусот Маноил Трифуновски, кои се товарат за сторени тешки дела против безбедноста на луѓето и имотот во сообраќајот, додека тројцата вработени во станицата за технички преглед Игор Ѓорѓиевски, Горан Дуковски и Јане Боварски за соучество во истото дело.