15
Основното јавно обвинителство Кичево во текот на утрешниот ден ќе вложи жалба на одлуката на судијата на претходна постапка од Основниот суд Кичево со која на извршителката осомничена за три кривични дела и беше определена мерка на претпазливост наместо предложената мерка притвор.
Инаку, Судот го одби барањето на Обвинителството за определување мерка притвор и определи мерка на претпазливост за извршителката Весна Јакимовска, која нападна новинар и полицаец.
Вчера новинарот Фуркан Салиу од порталот ИКС објави дека бил нападнат од извршителката при снимање на сторија во Кичево, а потоа таа нападнала и полициски службеник.