Обвинителство за акцијата со сомнителниот мазут: Се вршат претреси на повеќе локации низ државата

Од Обвинителството за гонење на организиран кримибал и корупција потврдуваат дека во тек е акција против компаниите и поединци инволвирани во сомнителната набавка на мазут што го загрозува здравјето на граѓаните и животната средина.

-Попладнево под раководство на јавен обвинител од ОЈО ГОКК, БЈБ и МВР извршуваат претреси на повеќе локации низ државава. Претресите се со Наредба на судија на претходна постапка од Основниот кривичен суд Скопје, а во врска со сторени кривични дела поврзани со набавка на деривати. Подетални информации ќе бидат споделени во текот на утрешниот ден, информираат од Обвинителството.