ОБСЕ со над 300 набљудувачи го следи изборниот процес

ОБСЕ го следи изборниот процес во земјава со повеќе од 300 набљудувачи од 25 држави.

Прелиминарните податоци за текот на изборниот процес ќе бидат објавени утре на прес-конференција во 15:00 часот.

Специјалниот координатор на ОБСЕ, Николоз Самхарадзе им посака успех на гласачите.

„Ќе ги следиме изборите низ државата, во речиси сите големи градови, но и во руралните средини. Прелиминарниот извештај ќе го имаме утре во 15:00 часот кога ќе одржиме прес-конференција. Се надеваме дека изборите ќе бидат мирни, дека ќе се одвиваат според стандардите на ОБСЕ и им посакуваме многу среќа и успех на граѓаните на Македонија во иднина“ изјави Самхарадзе.