Облачно со повремени врнежи од дожд

Времето денеска во Македонија ќе биде променливо облачно претпладне со повремени врнежи од дожд, започнувајќи од северозападните делови од земјата.

Од пладневните часови и особено од крајот на денот врнежите ќе се засилат. Ќе дува слаб до умерен ветер од јужен правец кој од крајот на денот ќе се менува во северен, а на североистокот ќе се засилува.

Утринските температури се во интервалот меѓу 4 и 7, а максималните дневни соодветено ќе бидат од 7 до 15 Целзиусови степени.

Во Скопје и во околината денеска ќе превладува облачно време со слаба утринска магла и со повремен слаб дожд.

Попладне ќе дува слаб до умерен северен ветер, а температурата ќе достигне до 10 степени Целзиусови.