Обиено седиштето на партијата на Стоиљковиќ

Седишето на Демократската партија на Србите во Македонија, чиј претседател е пратеникот Иван Стоиљковиќ, синоќа било обиено од непознат сторител. Натрапниците вчера вечер ја обиле вратата, влегле во штабот на партијата во Скопје и претурале по документите.

Стоиљковиќ вели дека дека се работи за обид за политички притисок и застрашување на членството. Додава дека случајот е пријавен во Министерството за внатрешни работи.