Обид за хакерски напад на сајтот на МОН од Грција

Група на грчки хакери кои себе си се претставуват како „Моќната грчка армија“ тврдат дека го хакирале македонското Министерство за образование и наука.

Од министерството досега нема никакви податоци за овој хакерски напад, а не се знае ни дали нападот се уште е во тек.

Според Твитер профилот „Моќна грчка армија“ хакерскиот напад бил пренесуван во живо од страна на грчките хакери.

Од Министерството за образование и наука за ТВ21 потврдиле дека имало обиди за хакерски напад, но појаснуваат дека објавените снимки се лажни.