Ново рочиште за “Рекет”, ќе се презентираат последните докази

Денеска во Кривичниот суд треба да продолжи судењето за случајот “Рекет” во кој обвинети се екс шефицата на СЈО, Катица Јанева и Бојан Јовановски.

За денешното рочиште е предвидено да се изведат дополнителни докази на обвинителството и одбраната.

Јанева инсистира да се презентираат вештачењата од нејзините два лаптопа и мобилен, кои и беа одземени по наредба на обвинителството, а како што дознава “Фокус”, во нив не е најден ниту еден доказ поврзан со обвинението за “Рекет”.

Во случајот на три години затвор беше осуден Зоран Милевски Кичеец, по признание на вина.

В.В.