Ново пукање во Србија, двајца загинати и неколку ранети кај Младеновац

Две лица загинаа, а неколку се ранети во пукање што се случи вечерва во селото Дубона, кај Младеновац во Србија.

Според неофицијални информации има и повредени деца, пренесува Телеграф.

На местото на инцидентот се и припадници на полицијата, а по младиот У.М., 21 година, е распишана потерница.

Тој побегнал со мерцедес откако испукал куршуми од возилото во движење, најверојатно од автоматски пушки.