Два нови случаи на Ковид 19 денеска се регистрирани во Неготино. Станува збор за маж на возраст од 42 години вработен во приватна фирма во Кавадарци, кој според анкетите на Центарот за јавно здравје Кавадарци, не знае од кај се инфицирал.
Исто така, позитивна на новиот вирус е и жена од Криволак на возраст од 61 година, која веќе се наоѓа на лекување на скопските клиники.
Во Кавадарци пак, првично од Центарот информираат за два нови случаи. Станува збор за момче на возраст од 21 година кое било во контакт со веќе позитивен пациент.
Вториот случај е жена инфицирана со вирусот, за која се констатирало дека подолг период живее и работи во Скопје, па најверојатно ќе биде регистрирана меѓу позитивните пациенти од Скопје.
Од Центарот апелираат граѓаните да ги почитуваат мерките.
Вики Клинчарова