Нови 54 случаи на корона вирус во Тиквешијата

Пристигнати се резултати за 54 позитивни случаи во Тиквешко денес, а до крајот на денот се чекаат уште резултати од брисови, информираат од ЦЈЗ Кавадарци. Од нив, 32 лица се од Кавадарци, 11 од Неготино, девет од Росоман и две од Демир Капија.

Новорегистрираните лица се на возраст од 20 до 74 години и помеѓу нив има еден здравствен работник од Кавадарци. Исто така, позитивна е една негувателка од градинка во Кавадарци, но истата веќе била во изолација.

Според податоци од МЗ до вчера во Кавадарци имаше 383 активни случаи на вирусот, а во Неготино 210. Починати се две лица од Кавадарци на возраст од 78 и 83 години на ковид одделот во болницата.