Во изминатите 24 часа се регистрирани нови 40 случаи на заболени од корона вирусот во Куманово. Оваа информација со јавноста ја сподели кумановскиот градоначалник Максим Димитриевски, кој истакна дека меѓу заразените е и тој.
-Почитувани сограѓани, драги пријатели, сега ги добив најновите резултати за новите позитивни лица во Куманово, вкупно четириесет мои драги сограѓани помеѓу кои сум и јас, напиша градончалникот на фејсбук.
Во текот на вчерашниот ден пак 27 кумановци беа заразени со Ковид-19.
Градоначалникот во изминатиот период постојано бара од властите да ги заострат мерките во Куманово, а пред два дена побара и 14-дневен карантин.
-Предлагаме 14-дневен контролиран карантин во Куманово и воведување кризна состојба на територијата на општината, затворање на влезовите и излезите во градот, олеснувања само на лица кои вршат професионални задачи кои со посебна дозвола би го напуштале и би се враќале во градот под посебни услови, рече Димитриевски пред два дена.