Нов протест утре пред домот на премиерот Груевски

by Фокус 13:02
13:02

Коалицијата „Граѓаните за Македонија“ со соопштение ги повикува сите граѓани утре во 18 часот, масовно да дојдат пред резиденцијата на Груевски, како што велат, за уште еднаш бучно и громогласно да му порачаат: „Никола, оди си!“

„Ги потсетуваме граѓаните и овој пат, со себе да носат тенџериња, капаци од тенџериња, лажици, пластични туби и други предмети кои создаваат бучава, за Груевски да слушне и конечно да разбере дека мора да си оди. Ние, граѓаните, громогласно ќе му кажеме на Груевски дека не сме ги заборавиле неговите злодела и криминали, за кои тој и неговата тајфа ќе мора да одговараат, а и него ќе го потсетиме на клучните телефонски разговори (бомбите) што досега ги презентираше опозицијата“, се наведува во соопштението.

- Advertisements -

Коалицијата информира дека за таа цел, за време на утрешниот протест под мотото: „Се сеќаваш ли на овие разговори? Граѓаните се сеќаваат и ќе те потсетат дека мора да си одиш!“, ќе бидат емитувани и клучните разговори од „бомбите“.

Поврзани новости