Американскиот претседател Џозеф Бајден успеа внимателно да се справи со сите историски и моментално политички чувствителни теми за време на првиот дел од неговата посета на Ирска оваа недела, присуствувајќи на 25-годишнината од договорот за обезбедување траен мир за Северна Ирска, но направи грешка во Република Ирска.
Откако во средата пристигна во Република Ирска од Северна Ирска, тој го помеша рагби тимот на Нов Зеланд „Сите црнци“ со озлогласената британска воена единица „Блек и Танс“ која се бореше против Ирската републиканска армија (ИРА) пред еден век, објави Политико денеска.
На крајот од говорот синоќа во паб, Бајден, придружуван од ирскиот министер за надворешни работи Мајкл Мартин и далечниот роднина на рагби ѕвездата Роб Керни, се обиде да му оддаде почит на едно од најголемите спортски достигнувања на Керни кога ирскиот рагби тим го победи Нов Зеланд за прв пат по 111 години, во ноември 2016 година во Чикаго.