Генералниот секретар на СДСМ, Љупчо Николовски, демантира дека заболената докторка од корона вирус била на неговата свадба, а потенцира и дека докторката не била на партиски состаноци и координации. Николовски се огласи откако во неколку медиуми се појавија информации дека директорката на Клиниката за кожни болести Нина Цаца -Биљановска била на неговата свадба и на партиски состаноци во СДСМ.
-Целосно ги демантирам лагите објавени на одредени медиуми познати како извори на лажни вести за наводни карантини на функционери на СДСМ поврзано со вирусот корона.
Лажни се вестите дека директорката со симптоми на вирусот била на партиски состаноци и координации, а уште поголема лага е дека присуствувала на мојата свадбена веселба.
Апелирам, јавноста, граѓаните да не подлегнуваат на лажни вести и целосно и редовно да се информираат исклучиво преку Министерството за здравство и министерот Филипче кој редовно и темелно известува за состојбата со вирусот Ковид – 19.
Институциите прават сѐ и се подготвени да се справат со опасноста од ширење на вирусот, вели Николовски.