Незири од ДУИ: Немаме магичен стап за да ги решиме проблемите со корона вирусот

Беким Незири од ДУИ во синоќешното гостување на 24 анализа на ТВ 24, смета дека веста на СЗО дека вирусот се пренесува и преку воздухот, дополнително го отежнува решавањето на проблемот со опасната зараза.

„Со овој проблем и ние се соочуваме од нашата држава и во ИЕ 3. Ние реално се бориме против нешто непознато, на глобално ниво. Тоа што СЗО порача дека вирусот може да се пренесе преку воздух, тоа значи дека се што сме направиле досега е за ништо. Ако е тоа така, тогаш немаме некое решение или магичен стап за да ги решиме проблемите“, истакна Незири.