Независниот синдикат на полицијата организира протести и блокади во цела држава

Вработени во полицијата, шумска полиција, судска и затворска полиција, кои се членови на Независниот синдикат на полицијата, од утрово протестираат во сите градови во земјава, а генералниот протест ќе се одржи во Скопје пред влада, каде ќе бидат испорачани нивните барања до Владата.

Од НСП бараат подобри услови за работа и подобри плати за припадниците на полицијата и затворската полиција.

Инаку, протестот ќе трае до попладне и ќе бидат блокирани повеќе сообраќајници во Скопје и низ земјава, додека синдикатот ќе има поддршка и од претставници на Словенија, Србија, Романија и на Бугарија.