Невреме со грмотевици ја погоди денеска Британија предизвикувајќи хаос на пистите, патиштата и железничките пруги, додека поплавите ги принудија училиштата да се затворат, а застрашувачките облаци и понатаму го исполнуваат небото.
Помало торнадо беше забележано како се движи низ британската села во близина на Камелфорд, додека предупредување за грмотевици, молњи и град беше издадено во неколку региони во ОК.
На снимката се гледа како формацијата се витка над корнеските ридови, додека портпаролот на Метеоролошкиот тим појасни дека се работи за облак во форма на инка, но дека не можевме да бидеме сигурни дали ја допрел земјата за да се претстави како торнадо, пишува Дејли мејл.
Поплавите на патиштата претходно денеска доведоа до затворање на делови од М6 во близина на Ковентри, додека училиштата во Бедфордшир беа принудени да ги испратат учениците дома за тој ден бидејќи нивните терени беа преплавени од каллива дождовна вода.
Во меѓувреме, железничките услуги на југот на земјата се особено погодени, при што екстремните временски услови предизвикаа прекини на возовите во некои делови од земјата.
Жолти временски предупредувања се во сила за цела јужна Англија, делови од Мидлендс, Шкотска и Северна Ирска. Тоа е затоа што на некои области за само еден час врнеше дожд колку во просек половина месец, што предизвика хаос на патиштата.
Бројни поплавени патишта предизвикаа сообраќаен хаос, а снимките покажуваат автомобили во Бирмингем потопени длабоко во вода. Се прелеаја и одводи и канализација.
Драматична снимка покажува вода како блика на улица. Предупредување за поплави е издадено и за источна Англија.
Годинешното лето се очекува да има температури повисоки од просечните, но се уште не се знае дали ќе биде соборен минатогодишниот рекорд на екстремни горештини.
