Несреќа во Словенија: Камен паднал врз глава на жена во пештера

Во сè уште неистражена пештера кај селото Долења Вас, општина Церкница во Словенија, тешко е повредена жена спелеолог.

Претставникот на спасувачката служба на Спелеолошкото здружение на Словенија, Валтер Закрајшек, изјави дека несреќата се случила на длабочина од околу 100 метри, кога голем камен ѝ паднал на главата на жената.

На лице место се 50 спелеолози, лекари, пожарникари и припадници на полицијата, а во пештерата влегла и медицинска сестра која ја има потребната медицинска опрема.

Спасувачите претпоставуваат дека спасувањето ќе трае подолго, бидејќи се работи за неистражена пештера, а повредената жена е на длабочина од околу 100 метри.