Нема постапка за отстранување на друг споменик после Ќосето, рече Алаѓозовски

Шпекулации се информациите дека ноќеска требало да биде отстранет споменикот Воин на коњ на централниот плоштад во Скопје, вели министерот за култура Роберт Алаѓозовски. Тој денеска изјави дека во Министерството нема активна постапка за отстранување друг споменик после оној на Андон Јанев – Ќосето.

-Шпекулации се тврдењата и бранувања во јавноста дека ќе отстрануваме некој следен споменик – рече министерот.

Елаборатот за Воинот на коњ на работната група за „Скопје 2014“, додаде тој, е пристигнат во Министерството пред повеќе од два месеци. Истиот, рече министерот, е препратен до сите надлежни институции и како ќе постапува ќе се одлучи во координација со инспекторите од овие институции.