Нема да се воведува карантин ако во наредните денови бројот на заразени се намалува

Техничкиот премиер Оливер Спасовски во вечерашното гостување на телевизија 24 рече дека доколку бројот за заразени во наредните денови се намалува, тогаш нема да се воведува карантин за одредени општини.

-Владата е во постојано заседание и ако се процени дека има потреба од дополнителни рестрикции тоа ќе биде направено. Доколку почнат да паѓаат бројките во наредните два до три дена, тогаш нема потреба од воведување карантински мерки. Доколку бројките растат, секако дека ќе се размислува за карантински мерки за определени подрајча или општини. Доколку вака се развива состојбата, каде сите кластери се познати, тогаш нема да има потреба од карантински мерки, рече Спасовски.