Српскиот претседател Александар Вучиќ порача во петокот вечерта дека на разговорите со преговарачите од Европската унија во Белград дека
Нема да има никакво признание на поранешната јужна српска покраина Косово и Метохија која во 2008 година со поддршка на Западот еднострано прогласи независност која Србија не ја признава, порача српскиот претседател, Александар Вучиќ.
-Разговор за иднината на Србија, а никакво признавање на Косово нема да има! Во моментов разговарам со специјалниот претставник на ЕУ за дијалогот меѓу Белград и Приштина и другите регионални прашања на западен Балкан, Мирослав Лајчак, и со советниците за надворешна и безбедносна политика на Франција и на Германија, Емануел Бон и Јенс Плетнер. Нема предавање! Да живее Србија!“, напиша Вучиќ на Instagram.
Српскиот претседател истакнува дека е „секогаш подготвен за компромисни решенија“, во согласност со Уставот на Србија и со Резолуцијата 1244 на Советот за безбедност при Обединетите нации, документот во кој не се споменува косовската независност.
Германскиот канцелар Олаф Шолц и францускиот претседател Емануел Макрон во заедничкото писмо упатено до Вучиќ и Курти соопштија дека ги ангажирале своите советници Плетнер и Боне, да го поддржат дијалогот за нормализација на односите меѓу Белград и Приштина. Во писмото ги повикуваат двајцата балкански лидери „во продолжувањето на дијалогот да покажат подготвеност за носење тешки одлуки во решавачкиот момент за безбедноста во Европа и стабилноста во регионот.