Косовската претседателка Вјоса Османи вели дека со усвојувањето на резолуцијата за геноцидот во Сребреница, светот им дава можност на идните генерации да учат. Наведува дека признавањето е клучен чекор кон помирувањето и борбата против негирањето на геноцидот.
„Тоа е неопходно за исцелување и траен мир, обезбедување утеха на мајките на Сребреница и на сите преживеани членови на семејствата, обезбедувајќи дека нивните најблиски никогаш нема да бидат заборавени“, рече таа.
Испрати порака до оние кои работеа против резолуцијата.
„Негирањето на геноцидот никогаш нема да го отвори патот за мир. Гласовите на оние кои ги трпеа овие ужаси како деца, не потсетуваат дека ставањето крај на негирањето на геноцидот не е само политичка и правна обврска, туку и колективна морална должност.
Мора да бидеме обединети во борбата за вистината и правдата. Да се водиме од едно остро потсетување во зборовите на едно невино дете кое ја прашува мајка си: „Мајко, војниците убиваат деца со мали куршуми, нели?“, напиша Османи на Х.