Неделен возен ред на Илинден, жичарницата ќе работи вообичаено

ЈСП Скопје информира дека во вторник (02.08.2022 година), поради државниот празник 2 Август – Илинден), јавниот превоз ќе сообраќа по неделен возен ред, дежурни ќе бидат три билетарници, а жичарницата на Водно ќе работи вообичаено.

Дежурни од 7 до 13 часот ќе бидат билетарниците Зелен пазар, Транспортен центар, Ѓорче Петров.

-Жичарницата ќе работи вообичаено од 10 до 20 часот. Во период од 19-19.30 часот е последно возење од долу кон врвот. Во 19.45 часот е последно возење од врвот надолу, појаснуваат од ЈСП.