Не сме фрустрирани, мора да ја прифатиме реалноста, порача Дешам

Селекторот на француската фудбалска репрезентација Дидие Дешам вели дека неговата репрезентација ја постигнала првата цел, а тоа е пласман во осминафиналето на Европското првенство во Германија. Франција вечерва играше нерешно против Полска.

„Не сме фрустрирани, иако целта беше да бидеме први во групата со овој меч. Требаше само да победиме. Бидејќи не го сторивме тоа, мора да ја прифатиме реалноста“, изјави Дешан и додаде дека треба да се прифати сработеното, а тоа е влез во осминафиналето.

Австрија е на првото место во групата Д со шест бодови, Франција е втора со пет бодови. Холандија во нокаут фазата ќе влезе како една од најдобрите третопласирани со четири бода.

Полска со еден бод го заврши натпреварувањето на турнирот во Германија.