Не е пријателски Лавров да тврди дека Србија го поддржува нападот врз Украина, вели Михајловиќ

Вицепремиерката на Србија, Зорана Михајловиќ денеска изјави дека изјавата на шефот на руската дипломатија Сергеј Лаваров дека Србија, со тоа што не воведува санкции кон Русија, го поддржува нападот на таа земја врз Украина, не е пријателска и дополнително ја усложнува позицијата на Србија.

Таа во интервју за агенцијата „Бета“ рече дека обидот на рускиот функционер да покаже дека Србија го поддржува нападот врз Украина, иако гласаше за резолуцијата на ОН за осуда на инвазијата, ја става Србија во дополнителна непријатна позиција.

„Србија е под притисок и пријателот навистина треба да биде пријател и да не и ја отежнува позицијата“, рече Михајловиќ, кој е и министер за рударство и енергетика.