Навални е преместен во затвор со строг режим во Владимирската област

Рускиот дисидент Алексеј Навални е префрлен во казнена колонија со високо обезбедување (ИЦ-6) во селото Мелехово, во Владимирска област, денеска за Тасс изјави претседателот на комисијата за јавен надзор, Сергеј Јажан.

Претходно адвокатите на Навални соопштија дека нивниот клиент бил префрлен од колонијата Покров, во Владимирска област, каде што престојуваше досега, на нова, непозната локација под строг режим, откако во сила стапи новата казна против него.

-Тој пристигна во ИЦ-6 и таму се наоѓа, рече Јазан, цитиран од Тасс.