Времето денеска ќе биде претежно облачно, а попладне ќе има врнежи од дожд, кои на одредени места ќе бидат пообилни. Врнежите ќе продолжат и во вечерните часови. Во текот на денот ќе дува и слаб до умерен ветер од југоисточен правец, информираат од Управата за хидрометеоролошки работи.
Температурата наутро ќе биде од 0 до 6, а во текот на денот од 8 до 16 Целзиусови степени.
Во Скопје времето денеска ќе биде променливо облачно, а попладне и во вечерните часови ќе има врнежи од дожд. Температурата во Скопје ќе биде до 14 Целзиусови степени.
И утре времето ќе биде променливо облачно со повремени врнежи од дожд. Ќе дува слаб до умерен ветер претежно од југоисточен правец. Во Скопје времето утре ќе биде променливо облачно, претежно претпладне кога од УХМР велат дека ќе има и услови за краткотраен дожд. Температурата ќе биде до 16 Целзиусови степени.