Напад со нож во Берлин, има повредени – минувачи го совладале напаѓачот

Неколку лица се повредени во напад со нож во Западен Берлин, соопшти денеска германската полиција.

Маж нападна неколку луѓе на улица во западниот округ Шарлотенбург, изјави портпаролката на полицијата, додавајќи дека две жртви се хоспитализирани.

Службите за итни случаи биле известени за нападот непосредно пред пладне. Осомничениот е приведен.

Информациите се дека неколку минувачи го задржале мажот откако го започнал нападот. Засега нема индиции за терористички мотив.

Полицијата не соопштува детали за инцидентот или за жртвите, а истрагата е само на почеток бидејќи се уште се распит сведоците, пишува „dpa“.