Наместо Украина, Ливерпул ќе биде домаќин на Евровизија

Откако Украина победи во Торино, Италија со нивната песна „Стефанија“, беше одлучено Велика Британија да биде домаќин на Евровизија.

Во трката за домаќин на Евровизија, Ливерпул го победи Глазгов, јавува Би-Би-Си.

Полуфиналните вечери ќе се одржат на 9 и 11 мај, а големото финале два дена подоцна.

„Градот кој ќе биде домаќин на 67. Избор за песна на Евровизија во 2023 година е Ливерпул“, рече коментаторот на музичкото натпреварување Греам Нортон, кој во петокот се појави на „The One Show“ за да открие каде ќе се одржи.